ما هو ال web 1 وال web 2 وال 3 web
webPrey | ما هو ال web 1 وال web 2 وال web 3
صديقى العزيز لما تكون قاعد فاضى ومصاب بالملل الشديد بتعمل إى ؟ خلينى
أجاوبك أنا بتخش على موقع ماي سيما تنزلك فيلم أكشن جامد وتتفرج علية صح ؟ هتقولى
غلط . هقولك يبقى فيلم إثارة وتشويق أو فيلم دراما مثلا ؟ هتقولى برضو غلط ؟ هقولك
يبقى أكيد بتحب الكورة ودي أظن الشعب كلة بيحبها جدأ ؟ هتقولى الله ينور عليك .
يبقى تخش على موقع يلا كورا أو أى موقع كورة وتتابعلك كام ماتش وهتحس بتحسن وتخيل
يا صديقى لو جة قدامك خبر فى مجلة أخبار عل جريدة اليوم السابع مثلا وكان عن ميسى
وبيتكلم عن إنجازاتة مش هتحس إنك عايز تتدوس لايك أو تعلق حتى ؟ هتقولى مبحبش ميسى
هقولك كرستيانو مهو لو مكنش أحمد يبقى الحج أحمد بس فية النسخة المصرية ودة أخو
الحج أحمد مو صلاح تخيل لو مفيش إمكانية إنك تدوس لايك أو تعبر عن رأيك هتحس إن
الموضوع ملوش لازمة طب لو مو صلاح مثلا منزل صورة على صفحتة مش هتخش تعملة لاف
وتعلق كمان وتقولو منور يا أبو مكة .
هتقولى طب إى علاقة مو صلاح وميسى وكرستيانو ب web 1 , we2 ,
we3
تعالى نشوف
الجيل الاول من الويب
( web 1)
دة عبارة عن واحد كثير الكلام أو رغاى بيحب هوة بس اللى يتكلم والناس
تسمعلة ومتشاركوش الرأى .
هو عبارة عن مجموعة من الصفحات الثابتة التى لا يمكن التفاعل معها بأى شكل
من الأشكال ويتم وضعها من قبل شخص أو مؤسسة .
خصائص ( web 1)
1 - المعلومات التى تعرض علية تعرض بطريقة ثابتة ولا يمكن التفاعل معها ولا
يمكمن التعديل عليها إلا من قبل صاحب الموقع .
2 - المعلومات التى تعرض عل ( web 1 ) تعرض بهدف الإستعراض فقط وليس
للتفاعل أو التعديل بمعنى إنتة تتفرج وإنتة ساكت سواء عجبك أومعجبكش وملكش صلاحية
التعبيرعن رأيك والتفاعل مع المحتوى .
أمثلة على ( web 1)
1
- خدمة البريد الإلكترونى E-mail .
2 - القوائم البريدية Mailing Lists .
3 - الفصول الإفتراضية .
عيوب (web 1 )
1 - لا يوجد تفاعل حيث أن التفاعل مغلق ولا يمكن لأى شخص التفاعل مع
المحتوى .
2 - يركز على الجانب المعرفى فقط .
3 - يقل الإهتمام بالمهارات الإجتماعية مثل التعلم التعاونى .
الجيل الثانى من الويب
( web 2)
دة عامل زى لما تكون قاعد كدة إنتة وأصحابك على القهوة كل واحد بيتكلم
ويتناقش مع التانى وبتتشاركوا وتتناقشوا فى الموضوعات المختلفة بس أوعوا تكونوا بتجيبوا فى سيرة الناس يا صديقى
.
يعنى التفاعل والمشاركة مع الحتوى وقدرة الناس على مشاركة المعلومات على شبكة الإنترنت .
خصائص ( web 2)
1 - يركز على المحتوى والبيانات وطريقة عرض المحتوى ونوعية المحتوى .
2 - يمكن إستخدام الويب للوصول إلى تطبيقات الويب وليس إلى المعلومات فقط .
3 - يتيح للمستخدمين التفاعل بحرية وإستخدام الخدمات بسهولة بدلاً من نظم
الوصول المعقدة .
أمثلة على ( web 2)
1 - Facebook
.
2 - Google.
عيوب (web 2 )
يحتج web 2 إلى تجهيزات أمنية عالية وإضافات مكلفة .
الجيل الثالث من الويب ( web 3)
هو مصطلح يستخدم لوصف مستقبل الويب وإبداعات الويب المستقبلية .
وده عامل زى ال torrent اللى بتنزل بية أفلام ودة فكرتة إن تكون
البيانات مش موجودة على سيرفرات بس ولكن تكون موجودة على كل الأجهزة وكل واحد ممكن
يدخل على جهاز التانى ويحمل منه وتخيل كدة لما تكون قاعد فى البيت وتخش على جهاز
صاحبك وتحمل منه وفكرة عملة تعتمد على اللامركزية فى البيانات .
يعنى التفاعل والمشاركة مع الحتوى وقدرة الناس على مشاركة المعلومات على
شبكة الإنترنت .
خصائص ( web 3)
1 - يحتوى على تقنيات مفتوحة المصدر وعلى ذكاء الويب الدلالى .
2 - تكوين معلومات شخصية عن كل شخص وما يفضلة يعنى مثلا ممكن تكون بتبحث على يتيوب عن كيفية
عمل البسبوسة تيجى بعد شوية تفتح الفيس بوك تلاقى طريقه عمل البسبوسة قدامك أو أى
منتج ممكن تكون فى موقع بتدورعلية وتفتح موقع تانى تلاقية قدامك ودة هو ذكاء
الويب .
أمثلة على ( web 3)
ال Torrenth .
مميزات ( web 3)
1 - التعامل بمنطقية مع البيانات ومحاكاه العقل البشرى .
2 - يحتوى على مميزات كلا من web 1 و web 2 .
3 - تطوير عمليات البحث من حيث البحث عن الكلمات ودلا لتها .
